«ЦентрГеоКонсалтинг» ЖШС – тау-кен өнеркәсібі, азаматтық және өнеркәсіптік құрылыс, экология және өнеркәсіптік қауіпсіздік салаларында жобалау және консалтингтік қызметтердің кең ауқымын ұсынатын компания.
Компанияның қызмет көрсету аумағы Қазақстан Республикасының барлық өңірлерін қамтиды.
«ЦентрГеоКонсалтинг» ЖШС командасы өз қызметі барысында Қазақстанның барлық өңірлерінде әртүрлі күрделілік деңгейіндегі көптеген жобаларды жүзеге асырды. Бұл жобалар дамыған инфрақұрылымы бар аймақтарда да, еліміздің шалғай өңірлерінде де орындалып, заңнамада көзделген барлық келісімдер мен сараптамалардан оң қорытынды алды.
Кейбір жобалардың орналасқан жерлері төменде көрсетілген.
«ЦентрГеоКонсалтинг» ЖШС келісімшарт талаптарын және өз клиенттерінің тілектерін жоғары бағалайды. Құпиялылық талаптарын сақтау мақсатында және экономикалық қауіпсіздік себептері бойынша нысандардың орналасқан жерін жариялауды қаламаған тапсырыс берушілердің жобалары туралы мәліметтер көрсетілмейді.
Орындалған жобалар туралы қысқаша ақпарат осында сипатталған.
Компания қызметінің географиясы
Бағдарламалық қамтамасыз ету
Компанияның жобалық тобына жүктелген міндеттерді тиімді орындау үшін компьютерлер заманауи мамандандырылған бағдарламалық қамтамасыз етумен жабдықталған: Micromine, AutoCAD, ЭРА және басқа да бағдарламалар.
Осындай бағдарламалық өнімдердің болуы геология және тау-кен ісі, экология, жобалау салаларындағы міндеттерді кешенді түрде шешуге, сондай-ақ жобаларды келісу үшін графикалық материалдарды талапқа сай рәсімдеуге мүмкіндік береді.
«ЦентрГеоКонсалтинг» ЖШС келесі қызмет түрлерін жүзеге асыруға құқылы:
- №19015177 мемлекеттік лицензиясына (III санат) сәйкес жобалау қызметін жүзеге асыруға;
- №02094Р мемлекеттік лицензиясына сәйкес қоршаған ортаны қорғау саласында қызмет көрсетуге;
- №17010655 мемлекеттік лицензиясына сәйкес инженерлік ізденістер саласында қызмет көрсетуге;
- №KZ01VEK00010802 аттестатына сәйкес өнеркәсіптік қауіпсіздік саласында қызмет көрсетуге.
Құжаттармен келесі сілтеме арқылы танысуға болады: «ЦГК» ЖШС лицензиялары.
Компанияның тапсырыс берушілері көрсетілетін қызметтердің жоғары сапа стандарттарына сенім арта алады. Бұл стандарттар компания мамандарының әрқайсысына тән кәсіби ерекшелікке айналған.
Қойылған міндеттің мәніне жан-жақты үңілу, терең теориялық білім және мол практикалық тәжірибе – біз жүзеге асырған әрбір жобаның ажырамас құрамдас бөліктері.
Қызмет бағыттары:
-
Тау-кен өндірістерін жобалау (тау-кен жұмыстарының жоспарын, жою жоспарын, барлау жоспарын әзірлеу, пайдалы қазбалар қорын есептеу);
-
Технологиялық, сәулеттік және құрылыс жобалау (жобалау алдындағы құжаттаманы әзірлеу, жобалық-сметалық құжаттаманы дайындау, эскиздік жобаны әзірлеу);
-
Қоршаған ортаны қорғау саласындағы жобалау және нормалау (ЗОНД әзірлеу, ықтимал әсерлер туралы есеп дайындау, табиғатты қорғау іс-шараларының жоспарын, қалдықтарды басқару бағдарламаларын, өндірістік экологиялық бақылау бағдарламаларын әзірлеу);
-
Іздестіру жұмыстары (инженерлік-геологиялық, гидрогеологиялық және геодезиялық ізденістер);
-
Өнеркәсіптік қауіпсіздік саласындағы қызметтер (өнеркәсіптік қауіпсіздік декларациясын әзірлеу, өнеркәсіптік қауіпсіздік сараптамасын жүргізу).
Көрсетілетін қызметтердің толық тізімімен келесі сілтеме арқылы танысуға болады: Қызметтер каталогы
Негізгі бағыттар бойынша жобалық құжаттаманы әзірлеу кешенді түрде жүзеге асырылады.
Тиісті мемлекеттік лицензиялардың, білікті мамандардың және лицензияланған бағдарламалық қамтамасыз етудің болуы мердігер ұйымдарды немесе басқа да үшінші тұлғаларды тартпай-ақ, бөлімдер арасындағы тиімді өзара іс-қимыл арқылы жобаларды «кілтпен тапсыру» қағидаты бойынша орындауға мүмкіндік береді.
Бұл ақпараттың сыртқа таралу қаупін болдырмай, тапсырыс беруші компаниялардың қаржылық қауіпсіздігіне кепілдік береді.
Біздің компания туралы пікірлермен осында таныса аласыз.
«ЦентрГеоКонсалтинг» ЖШС өз тапсырыс берушілерімен ұзақ мерзімді серіктестік қатынастарды жоғары бағалайды. Соның нәтижесінде көптеген ірі компаниялар өндірістерін кеңейту немесе жаңа нысандарды пайдалануға енгізу жобаларын әзірлеу үшін бізге қайта жүгінеді.
Осыған байланысты компанияның баға саясаты бойынша бірден бірнеше жобаны әзірлеуге тапсырыс берілген жағдайда, әрбір келесі жобаның құнына 30% жеңілдік қарастырылады.
Коммерциялық ұсыныс алу немесе салалық мәселелер бойынша кеңес алу үшін «Байланыс» бөліміне өтіп, көрсетілген телефон нөмірлері арқылы бізбен хабарласа аласыз немесе a.iskakova@centergeo.kz.электрондық поштасына хат жібере аласыз.