Инженерлік ізденістер

Инженерлік-геологиялық зерттеулер техникалық-экономикалық негіздеу және жобалау сатысында ғимараттар мен құрылыстарды салудың орындылығын техникалық негіздеуге мүмкіндік береді.

Іргетастың түрін және жалпы құрылыс нысанының конструктивтік шешімдерін таңдау жергілікті жердің гидрогеологиялық жағдайларына және инженерлік-геологиялық ізденістер барысында анықталатын топырақтардың физикалық-механикалық қасиеттеріне байланысты айқындалады.

Жоғарыда аталған деректер жеткіліксіз болған немесе мүлдем болмаған жағдайда ғимаратты жобалау кезінде қателіктердің туындау ықтималдығы артатынын ескеру қажет.

Мұндай жағдайлар болашақта ғимараттың деформациялануына немесе тіпті толықтай қирауына алып келуі мүмкін.

Топографиялық-геодезиялық жұмыстар жер бедері мен аумақтың жағдайы, қолданыстағы ғимараттар мен құрылыстар (оның ішінде жерасты нысандары), жерүсті және жерасты инженерлік желілері, жоспарлау, абаттандыру және көгалдандыру элементтері туралы нақты, сенімді және өзекті мәліметтер алу мақсатында жүргізіледі.

Бұл жұмыстар сондай-ақ құрылыс нысандарын жобалау, қолданыстағы ғимараттарды, жерүсті және жерасты құрылыстары мен инженерлік коммуникацияларды қайта жаңғырту жобаларын әзірлеу, жер пайдалану шекараларын рәсімдеу, сондай-ақ әртүрлі ұйымдар мен өндірістердің пайдалану қажеттіліктерін қамтамасыз ету үшін қажет.